• ХАЯГ : #92, "Бүти тауэр", 6-р хороо, Чингэлтэй дүүрэг, Улаанбаатар хот, Монгол Улс
  • 7611-3838 8995-3838
Менежертэй холбоо барих
Дагагчид
Танилцуулга
Монголын Хөдөлмөрийн Аюулгүй Ажиллагаа, Эрүүл Ахуйн Менежментийн Хүрээлэн нь дотоодын аж ахуйн нэгж байгууллагуудыг "Хэрэглэгчээ дээдэлсэн чанартай үйлчилгээтэй, Хүнээ эрхэмлэсэн аюулгүй ажиллагаатай, Хүрээлэх орчиндоо ээлтэй" байгууллага болгож төлөвшүүлэх эрхэм зорилготой үйл ажиллагаа явуулдаг.

Энэхүү зорилгын дор дараах үндсэн чиглэлүүдээр ажиллаж байна. Үүнд:

1. Олон улсын стандартуудын зөвлөх үйлчилгээ.

Манай байгууллага дотоодын аж ахуйн нэгжүүдийн ХАБЭА, Чанар, Байгаль орчны удирдлагын тогтолцоог ОУ-ын жишигт хүргэж, сертификатжуулах зорилгоор OHSAS18001 (ХАБЭА-н удирдлагын тогтолцооны ОУ-ын стандарт), ISO9001 (Чанарын удирдлагын тогтолцооны ОУ-ын стандарт), ISO14001 (Байгаль орчны удирдлагын тогтолцооны ОУ-ын стандарт) ОУ-ын стандартуудаар сургалт, зөвлөгөө өгч хамтран ажиллаж байна.

Өнгөрсөн хугацаанд бид энэ чиглэлээр хүнсний үйлдвэрлэл, зам барилга, барилга, худалдаа үйлчилгээний салбарын 10 гаруй компанитай амжилттай хамтран ажиллаж ISO стандартуудаас гадна ХАБЭА-н ОУ-ын OHSAS18001:2007 стандартын шаардлагад тэнцэж, олон улсад итгэмжлэгдсэн анхны Монгол компаниудийг төрүүлсэн билээ.

2. Хөдөлмөрийн аюулгүй байдал, эрүүл ахуйн сургалтын төв.

Манай байгууллага нь ХАБЭА-н сургалт, судалгаа, зөвлөх үйлчилгээнийхээ туршлагад тулгуурлан ХАБЭА-н сургалтын үйл ажиллагаагаа өргөжүүлж Нийгмийн хамгаалал хөдөлмөрийн яам, Хөдөлмөр, халамжийн үйлчилгээний газрын 20/1495 тоот гэрчилгээгээр итгэмжлэгдсэн ХАБЭА-н сургалтын төвийг ажиллуулж байна.

Сургалтын төв нь одоогоор 500 гаруй байгууллагын ХАБЭА-н ажилтан болон энэ чиглэлээр ажиллах сонирхолтой хувь хүмүүсийг ХАБЭА-н чиглэлээр мэргэшүүлэх болон ажлын байран дээрх сургалтууддаа хамруулаад байна. Суралцагч, хамтрагчдын маань үнэмлэхүй олонхи нь сургалтанд сэтгэл хангалуун байдаг нь судалгааны дүнгээс харагддаг.

Түүнчлэн манай байгууллага нь АНУ-д төвтэй ХАБЭА-н Олон улсын сургалтын байгууллага болох OSHAcademy-н Монгол дахь цорын ганц, албан ёсны сургагч байгууллага бөгөөд тус байгууллагатай хамтарсан ХАБЭА-н "АЖИЛТАН"-"ЗААВАРЛАГЧ"-"МЕНЕЖЕР"-"ЗӨВЛӨЛИЙН ГИШҮҮН БА ДАРГА"-"СУРГАГЧ" бэлтгэх Олон улсын сертификаттай цуврал хөтөлбөрийг эхлүүлээд байна.

3. ХАБЭА-н ажилтны хөдөлмөр зуучлалын төв.

Хөдөлмөр зуучлалын төв нь байгууллагуудаас ХАБЭА-н ажилтны захиалгыг авах, ХАБЭА-н ажил сонирхсон хувь хүмүүсийг бүртгэлжүүлэх зэргээр хүний нөөцийн мэдээллийн сан бүрдүүлж, талуудын ашиг сонирхлыг уялдуулан ажилд зуучлах үйл ажиллагаа эрхэлдэг.

4. ХАБЭА-н хөгжлийн мэдээлэл, судалгаа.

ХАБЭА-н чиглэлээр шинжлэх ухааны үндэслэлтэй судалгааны ажлыг тогтмол зохион байгуулж, түүний үр дүнг Монголын ХАБЭА-н нөхцөл байдлыг сайжруулахад ашиглах зорилгоор энэ чиглэлийн ажлыг санаачлан эхлүүлээд байгаа юм.

Манай байгууллагад хүнсний үйлдвэрлэл, худалдаа үйлчилгээ, нийтийн хоол, агаарын тээвэр, барилга, автозам, төрийн хяналт зэрэг салбаруудад 5-30 жил ажилласан туршлагатай дотоод, гадаадын Олон улсын зөвлөх, аудиторууд ажилладагыг дуулгахад таатай байна.   
Дэлгэрэнгүй

Мэдээ мэдээлэл